2024 йилнинг ёзида футболчилик фаолиятини якунлаган Тони Кроос "Реал" ҳимоячиси Антонио Рюдигернинг "Барселона" билан ўйиндаги хатти-ҳаракатлари ҳақида ўз фикрларини билдириб ўтди.

"Ишончим комилки, Рюдигер жарима билан жазоланади. Лекин у кимнидир ўлдиргандек кўринишга ҳожат йўқ. Унинг қилган иши хато эди. Ишончим комилки, унинг ўзи ҳам ҳамма нарсадан хабардор", - дейди "Реал"нинг собиқ футболчиси.

Эслатиб ўтамиз, Мадриднинг "Реал" клуби ўтган ҳафта Испания кубоги финалида "Барселона"га мағлуб бўлганди (2:3). Ўйин якунида “қаймоқранглилар”нинг германиялик ҳимоячиси ўйин ҳакамларидан норозилигини билдириб, ОАВ хабарига кўра, ҳакамга нисбатан ҳақоратомуз сўзлар айтди.