Саудия Арабистонининг «Ал-Иттиҳод» футбол клуби германиялик футболчига 100 миллион евро миқдорида шартнома таклиф қилди.

Sky Sports’нинг хабар беришича, айнан шундай таклифни «Бавария» вингери Лерой Сане рад этган.

29 ёшли немис футболчиси мазкур суммани клубда тўрт йил ўйнаган тақдирда қўлга киритиши мумкин эди.

Хабарларга кўра, Лерой Саненинг рад этиш сабаби — у «Бавария» сафида Чемпионлар Лигасини ютишни истамоқда.

Манбаларга кўра, «Бавария» футболчига 2028 йилгача шартнома таклиф қилмоқда, аммо унда маош Саудия клуби таклиф қилганидан анча кам.

Жорий мавсумда Сане 42 та ўйинда иштирок этиб, 12 та гол урди ва 5 та голли пас ижро этди.