"Барселона" вингери Ламин Ямал "Интер"га қарши Чемпионлар лигаси ярим финали дастлабки ўйинидан олдин ўз фикрларини билдирди.
"Бу менинг биринчи ярим финалим, шунингдек, кўплаб жамоадошларим учун ҳам. Бизда финалга чиқиш истаги кучли ва "Барселона" мухлисларига нималарга қодир эканлигимизни кўрсатишни, бунга эришиш учун бор кучимизни сарфлашни истаймиз", - деди 17 ёшли футболчи матбуот анжуманида.













