Ўтган дам олиш кунлари "Ливерпуль" ўз майдонида "Тоттенхэм"ни 5:1 ҳисобида доғда қолдириб, Англия чемпионига айланди. Муваффақиятни нишонлаш чоғида "Ливерпуль" ҳужумчиси Коди Гакпо футболкасини ечиб, диний мазмундаги ёзув туширилган футболкасини намойиш қилди.
Бу эса, худди сиёсий шиорлар каби, Футбол Ассоциацияси қоидалари билан қатъий тақиқланган ва энди Гакпо жазога тортилиши мумкин. У аниқ жарима олади, аммо клубнинг кейинги ўйинини ҳам ўтказиб юбориш хавфи бор.
АПЛнинг кейинги турида "қизиллар" "Челси" билан ўйнайди.
