Родри тиззасидан олган жароҳатидан сўнг машғулотларга қайтди.
"Манчестер Сити" ярим ҳимоячиси 2024 йилнинг 22 сентябрь куни "Арсенал"га қарши ўйинда (2:2) ўзининг кесишган боғламларини йиртиб олган эди.
Sky Sports нашри хабарига кўра, Родри бугун "Манчестер Сити"нинг машғулотларига тўлиқ қайтди. Қайд этилишича, бу испаниялик футболчининг жароҳатдан кейинги илк машғулоти эмас, чунки у бир неча вақтдан бери аста-секин машғулотларга қайтмоқда.
Айни дамда Родрининг майдонга қайтиш вақти номаълум, аммо у июнь ойида клублар ўртасидаги жаҳон чемпионатида иштирок этиши мумкин.
