"Барселона" ҳимоячиси Пау Кубарси Чемпионлар Лигаси ярим финалидаги иштирокидан олган таассуротлари билан ўртоқлашди. Чоршанба оқшомида "кўк-анорранглилар" ўз майдонида "Интер" билан 3:3 ҳисобида дуранг ўйнади.
"Ўйлашимча, яқинда ҳам ўзимни "Барселона" билан Чемпионлар Лигаси ярим финалида тасаввур қила олмасдим. Энди у ерда ўйнашдан жуда бахтиёрман. Биламан, мухлисларимиз охиригача биз билан бирга бўлади. Улар келаси ҳафта ғалаба учун "Интер" майдонига сафар қилишимизни билишади. Шу билан бирга, баъзи деталларни ўрганиб чиқишимиз керак," - дея Кубарсининг сўзларини келтиради УЕФА матбуот хизмати.
