"Барселона" бош мураббийи Ханс-Дитер Флик ҳужумчи Роберт Левандовски ва чап қанот ҳимоячиси Алехандро Бальденинг аҳволи ҳақида гапирди.
Иккала футболчи ҳам жароҳатлар туфайли клубнинг сўнгги ўйинларини, жумладан, "Интер"га қарши (3:3) Чемпионлар лигаси ярим финалининг биринчи ўйинини ўтказиб юборган.
"Улар жавоб ўйинига қайтишлари мумкин. Ҳатто уларни эртароқ майдонга туширишимиз ҳам мумкин, аммо биз сабрли бўлишимиз керак. Бундай вазиятларда шошилиб бўлмайди, эҳтиёт бўлиш керак. Тиббиёт ходимлари яшил чироқ ёққанда улар майдонга қайтишади", - деди Флик матбуот анжуманида.
"Барселона" шанба куни Ла Лига доирасида "Вальядолид"га қарши ўйнайди.













