"Тоттенхэм" клуби бош мураббийи Анж Постекоглу ЕЛ ярим финал доирасида "Буде-Глимт" клубига қарши бўлиб ўтадиган дастлабки учрашувдан олдинги фикрлари билан ўртоқлашди.

"Буде-Глимт"ярим финалга ҳақли равишда етиб келди, улар "Лацио" ва "Олимпиакос"дан ўтиб кетишди, улар иккита жуда қийин рақиб эди. Биз норвегияликларга ҳурмат билан муносабатда бўламиз ва энг яхши ўйинимизни кўрсатишга ҳаракат қиламиз. Патрик Бергнинг йўқлиги улар учун катта йўқотиш, лекин менимча, уларнинг кучи биринчи навбатда индивидуал футболчиларда эмас, балки жамоавий ўйинида. Улар сўнгги беш йил ичида жуда кўп ўйинчиларни сотишди, аммо яхши натижаларни кўрсатишда давом этмоқдалар" - деди Постекоглу УЕФА расмий сайтига.