"Манчестер Сити" вингери Жереми Доку Кевин де Брюйне тез орада клубни тарк этиши ҳақида ўйлаётганини айтди.

33 ёшли ярим ҳимоячи мавсум якунлангач эркин агентга айланади. У "шаҳарликлар" сафида 2015 йилдан буён тўп тепиб келмоқда.

"Кевин "Манчестер Сити" афсонаси, у бу ерда кўплаб совринларни қўлга киритган. У ўзидан кейин кўплаб ёқимли хотиралар қолдиради. Мухлислар уни жуда яхши кўришади ва бу унинг ютуқларини ҳисобга олган ҳолда нормал ҳолат.

У бу ерга ҳаммамиздан олдин - ҳатто Пеп Гвардиоладан ҳам олдин келган. Катта ҳурматга лойиқ бўлган ҳақиқий афсона. Олдинда Англия кубоги финали бор ва биз де Брюйненинг соврин билан кетиши учун ҳамма нарсани қиламиз," - дея Докунинг сўзларини келтиради City Xtra.