"Ливерпуль" бош мураббийи Арне Слот уни чемпионлиги билан табриклаганлар орасида энг машҳури ким эканлиги ҳақидаги саволга жавоб берди.
"Менимча, бу Юрген Клопп. У нима деди? Кўпчилик билан бир хил. Бу клуб нақадар ўзига хослигини энди биламан, энди мен ҳам тарихнинг бир қисмига айланганман - шунга ўхшаш нарсалар ёзди. У мен учун, футболчилар, ходимлар, мухлислар учун жуда хурсанд эди. Балки мен кимнидир унутгандирман, лекин менимча, Клопп энг машҳури эди", - деди Слот.
"Ливерпуль" мавсум якунига тўртта ўйин қолганида чемпионликни қўлга киритди. Арне Слот шогирдлари навбатдаги ўйинни 4 май куни "Челси"га қарши ўтказади.
