Жума оқшомида Францияда топ-дивизионга иккинчи тўғридан-тўғри йўлланма олган жамоа номи маълум бўлди. "Париж" "Мартиг" жамоаси билан дуранг ўйнади (1:1), аммо бу чемпионат якунланишига бир тур қолганида турнир жадвалининг энг яхши 2 талигидан жой олиш учун етарли бўлди. Шу тариқа, "Париж" келаси мавсумда Лига 1да иштирок этади.
Охирги марта "Париж" Франция футболининг энг кучли дивизионида 46 йил олдин - 1978/1979 йилги мавсумда ҳаракат қилган. Сўнгги йилларда жамоа ўтиш мусобақаси орқали Лига 1га чиқишга бир неча бор уриниб кўрди, аммо бунинг уддасидан чиқа олмаганди.
Эслатиб ўтамиз, "Лорьян" келаси мавсум учун Лига 1'га илк тўғридан-тўғри йўлланмани қўлга киритди.
