"Милан" клуби ва Франция терма жамоаси қанот ҳимоячиси Тео Эрнандес Испания суперклубларидан бирининг қизиқишлари доирасида. Гап Мадриднинг "Реал" клуби ҳақида кетмоқда.
AS журналистлари тарқатган хабарга кўра "қироллик клуби" франциялик футболчини Ферлан Мендига ўринбосар сифатида кўрмоқда. Эслатиб ўтамиз, Эрнандес бунгача "Реал" шарафини ҳимоя қилган. У 2017 йилдан 2019 йилгача "қаймоқранглилар" сафида бўлган.
Ҳимоячининг трансфер нархи 40 миллион еврога баҳоланмоқда. Унинг "россонерилар" билан шартномаси 2026 йилнинг ярмигача мўлжалланган.













