Англия футбол ассоциацияси расмий сайтида "Кристал Пэлас" ва "Манчестер Сити" жамоалари ўртасидаги кубок финали ҳақида эълон берилди. Кубок учун баҳс 17 май, шанба куни "Уэмбли" стадионида бўлиб ўтади. Ҳакам Британия вақти билан 16:30 да (Тошкент вақти билан 20:30) старт ҳуштагини чалади.
Англия кубоги ғолиби соврин ва 2 миллион фунт олади. Финалда мағлуб бўлган клуб бюджетини 1 миллион фунтга тўлдиради.
Эслатиб ўтамиз, Англия кубогининг амалдаги ғолиби "Манчестер Юнайтед" ҳисобланади. 2024 йилги финалда "қизил иблислар" қўшни "Манчестер Сити"ни 2:1 ҳисобида мағлуб этганди.
