Дортмунднинг "Боруссия" клуби ҳужумчиси Серу Гирасси кетма-кет иккинчи мавсумни самарали ўтказмоқда.

Шанба куни гвинеялик футболчи "асаларилар"га "Вольфсбург"ни йирик ҳисобда мағлуб этишга ёрдам берди (4:0). Гирассининг ҳисобида ўтган мавсум бошидан бери Бундеслигада 47 та гол бор. StatMuse нашрининг маълум қилишича, фақатгина Харри Кейн ("Бавария," 60), Килиан Мбаппе ("ПСЖ"/"Реал" Мадрид, 49) ва Эрлинг Холанд ("Манчестер Сити," 48) шу даврда Европанинг бешта етакчи чемпионатида кўпроқ гол урган.

Жорий мавсумда Серу Гирасси 19 марта рақиб дарвозасини ишғол қилди. Бундеслиганинг ўтган мавсумида "Штутгарт"да ўйнаб юрган ҳужумчи 28 та гол муаллифига айланганди.