"Барселона" форварди Роберт Левандовски Чемпионлар Лигаси ярим финалидан ўрин олган "Интер"га қарши жавоб ўйинида майдонга тушиши мумкин, деб хабар беради Mundo Deportivo.
36 ёшли польшалик ҳужумчи жароҳатидан фориғ бўлиб, аллақачон умумий гуруҳ машғулотларига қайтган.
Қайд этилишича, Левандовски катта эҳтимол билан "неррадзуррилар"га қарши ўйинни захира ўриндиғида бошлайди ва керак бўлса майдонга тушиши мумкин.
Ҳужумчи сифатида Ферран Торрес асосий таркибда майдонга тушиши кутилмоқда.
Шу билан бирга, каталонияликларнинг чап қанот ҳимоячиси Алекс Бальде "Интер" билан ўйинни ўтказиб юборади. Испаниялик 21 ёшли футболчида жароҳатнинг қайталаниш хавфи юқори.
