"Barselona" forvardi Robert Levandovski Chempionlar Ligasi yarim finalidan o‘rin olgan "Inter"ga qarshi javob o‘yinida maydonga tushishi mumkin, deb xabar beradi Mundo Deportivo.
36 yoshli polshalik hujumchi jarohatidan forig‘ bo‘lib, allaqachon umumiy guruh mashg‘ulotlariga qaytgan.
Qayd etilishicha, Levandovski katta ehtimol bilan "nerradzurrilar"ga qarshi o‘yinni zaxira o‘rindig‘ida boshlaydi va kerak bo‘lsa maydonga tushishi mumkin.
Hujumchi sifatida Ferran Torres asosiy tarkibda maydonga tushishi kutilmoqda.
Shu bilan birga, kataloniyaliklarning chap qanot himoyachisi Aleks Balde "Inter" bilan o‘yinni o‘tkazib yuboradi. Ispaniyalik 21 yoshli futbolchida jarohatning qaytalanish xavfi yuqori.
