"Локомотив"нинг арманистонлик ҳимоячиси Наир Тикнизян фаолиятини Испаниянинг "Севилья" клубида давом эттириши мумкин.
"Спорт-Экспресс" нашри хабарига кўра, футболчининг хизматларига шахсан "Севилья"нинг янги бош мураббийи, Арманистон терма жамоасида ишлаган Хоакин Капаррос қизиқиш билдирмоқда.
Эслатиб ўтамиз, қишки трансферлар вақтида "Севилья" Тикнизянни ўз сафига қўшиб олишга уриниб кўрган, аммо музокаралар тўхтатилганди.
Жорий мавсумда 25 ёшли Тикнизян барча мусобақаларда 33 та учрашувда майдонга тушиб, рақиблар дарвозасини икки бор ишғол қилди ва тўртта голли узатмага муаллифлик қилди.
