"Lokomotiv"ning armanistonlik himoyachisi Nair Tiknizyan faoliyatini Ispaniyaning "Sevilya" klubida davom ettirishi mumkin.
"Sport-Ekspress" nashri xabariga ko‘ra, futbolchining xizmatlariga shaxsan "Sevilya"ning yangi bosh murabbiyi, Armaniston terma jamoasida ishlagan Xoakin Kaparros qiziqish bildirmoqda.
Eslatib o‘tamiz, qishki transferlar vaqtida "Sevilya" Tiknizyanni o‘z safiga qo‘shib olishga urinib ko‘rgan, ammo muzokaralar to‘xtatilgandi.
Joriy mavsumda 25 yoshli Tiknizyan barcha musobaqalarda 33 ta uchrashuvda maydonga tushib, raqiblar darvozasini ikki bor ishg‘ol qildi va to‘rtta golli uzatmaga mualliflik qildi.













