Англия терма жамоаси ва "Манчестер Юнайтед"нинг собиқ ҳимоячиси, ҳозирда футбол эксперти ҳисобланган Гари Невилл Англия чемпионатининг 35-тури доирасида Лондоннинг "Челси" клуби ўз майдонида "Ливерпуль" устидан ғалаба қозонгани ҳақида гапирди. Унда "аристократлар" ўз майдонида 3:1 ҳисобида ғалаба қозонди.
"Лондонликлар учун катта ғалаба. Чемпионлар Лигаси учун курашни давом эттириш учун натижага эришиш қанчалик муҳимлигини ҳамма тушунарди. Бу учрашувда меҳмонлар ўйиндан ташқари ҳолатда бўлиб, бор эътибор "Челси"га қаратилди," - дея Невиллнинг сўзларини келтиради Chelsea News.
Англия чемпионатининг 35-туридан сўнг "Челси" 63 очко жамғариб, турнир жадвалида бешинчи ўринда бормоқда. "Кўклар" навбатдаги учрашувни сафарда "Ньюкасл"га қарши ўтказади.
