Рафинья Евро-2020 ғолиблиги учун Италия терма жамоасида ўйнаши мумкинлигини айтди.
"Мен Италия терма жамоасига чақирувни қабул қилишга яқин эдим. 2020 йилда бўлиб ўтиши керак бўлган Европа чемпионатига боришим керак эди. Мен деярли тайёр эдим. Бахтимга, паспорт келмади.
Менга Италия терма жамоасидан қўнғироқ қилишди. Жоржиньо менга тез-тез қўнғироқ қилиб турарди. Италиялик мураббийлар мен учун фантастик лойиҳа тайёрлашди ва бу менда катта таассурот қолдирди.
Лекин шу билан бирга қалбимнинг туб-тубида ҳали ҳам Бразилия терма жамоаси либосини кийишимга умид қилардим. Ва, хайриятки, Италия паспортини ўз вақтида ололмадим," - деди "Барселона" вингери Isa Visita подкастида.
Sky Sport таъкидлашича, Рафинья отасининг Италия фуқаролиги туфайли Италия терма жамоасида ўйнаши мумкин эди.













