Ҳимоячи Маркиньос ёзги трансфер ойнасида "ПСЖ"ни тарк этиши мумкин. Журналист Саша Тавольерининг сўзларига кўра, парижликлар раҳбарияти Маркиньосни 40 миллион еврога сотишга тайёр.
14 май куни Маркиньос 31 ёшга тўлади. Бразилиялик ҳимоячининг "ПСЖ" билан амалдаги шартномаси 2027/2028 йилги мавсум охиригача амал қилади.
Умуман олганда, Маркиньос "ПСЖ" сафида 481 та ўйин ўтказиб, бу ўйинларда 40 та гол урди ва жамоадошлари учун 12 та голли узатмани амалга оширди.
7 май, чоршанба куни "ПСЖ" Чемпионлар лигаси ярим финали доирасида "Арсенал"га қарши ўз майдонида ўйин ўтказади. Биринчи ўйинда парижликлар Лондонда 1:0 ҳисобида зафар қучганди.
