"Барселона"нинг собиқ футболчиси, ҳозирда Италиянинг "Комо" клубида тўп тепаётган Серхи Роберто каталонияликларнинг Чемпионлар лигаси ярим финалидан ўрин олган "Интер"га қарши ўйинига ташриф буюради.
Сешанба куни Ханс-Дитер Флик жамоаси "Сан-Сиро"да "нерадзуррилар" билан ўйнайди. Қарама-қаршиликнинг дастлабки учрашуви 3:3 ҳисобида якунланганди.
"Эртага "Барса"ни қўллаб-қувватлаш учун "Сан-Сиро"га бораман. Бундай ўйинни ўтказиб юборолмайман. Одатда уйда ўйинларни кузатаман, лекин "Барса" шу ерда, Италияда экан, буни ўз кўзим билан кўришим керак. Мен жамоага ишонаман," - дея Робертонинг сўзларини келтиради Barca Universal.
