Бразилия терма жамоаси мураббийлар штаби аъзоси Клаудио Таффарел Россия билан ўртоқлик учрашуви ҳақидаги хабарга изоҳ берди.
«Мен Россия билан ўйин бўйича ҳеч нарса билмайман. Ҳозирда терма жамоа учун асосий масала — янги бош мураббийни топиш. Чунки июнь ойида Жаҳон чемпионати саралаш босқичидан икки ўйин бор», — деб Таффарелнинг сўзларини келтиради «Чемпионат» нашри.
Маълумки, 2022 йил февралидан бери Россия терма жамоаси ФИФА ва УЕФАнинг қўшма қарорига асосан халқаро мусобақаларда қатнашишдан четлатилган. Шу боис Валерий Карпин бошчилигидаги жамоа фақат ўртоқлик учрашувларини ўтказиши мумкин. Июнь ойида Россия термаси Нигерия ва Беларусга қарши ўйнашни режалаштирган.
