“Лестер Сити”нинг 38 ёшли ҳужумчиси Жейми Варди жорий мавсум якунлангач, жамоани тарк этишини эълон қилди. Унинг келажак фаолияти борасида турли тахминлар пайдо бўлмоқда. Айниқса, АҚШнинг MLS клублари — "Сан-Диего" ва "Ди Си Юнайтед" уни ўз сафига қўшишга қизиқиш билдирмоқда.

Вардининг рафиқаси Ребека Варди ҳам АҚШдаги телевизион лойиҳаларда иштирок этиш бўйича музокаралар олиб борган. У, жумладан, Netflix'нинг “Selling Sunset” реалити-шоусида иштирок этиш таклифини олган. Гарчи Калифорниядаги ёнғинлар сабабли дастлабки режалар кечиккан бўлса-да, келажакда ушбу лойиҳа амалга ошиши мумкин.

Вардининг АҚШга кўчиб ўтиши нафақат футбол фаолиятини давом эттириш, балки оиласи билан янги ҳаёт бошлаш имкониятини ҳам тақдим этади.