Эртага Францияда Чемпионлар лигаси ярим финалининг жавоб учрашуви доирасида "ПСЖ" ҳамда "Арсенал" ўзаро беллашади. Учрашувдан олдин ташкил этилган матбуот анжуманида парижликлар ҳимоячиси Ашраф Ҳакимий Луис Энрике ҳақида фикр билдирди.
"Фаолиятим давомида жуда яхши мураббийларим бўлган ва уларнинг ҳар биридан жуда миннатдорман. Мен ҳар бир босқичда янги нарсаларни ўргандим. Луис Энрике мени ҳеч қачон орзу қилмаган даражага олиб чиқади. Унинг шарофати билан мен футболчи сифатида анча ўсдим", - деди Ҳакимий УЕФА расмий сайтига.













