"Леон"нинг клублар ўртасидаги жаҳон чемпионатидан четлатилгани ҳақидаги апелляцияси рад этилди.
Аввалроқ "Леон" клубга эгалик қилиш қоидаларини бузгани учун клублар ўртасидаги жаҳон чемпионатидан четлатилган эди. Мексика клуби "Пачука" билан бирга Grupo Pachuca компаниячига тегишли. Қоидаларга кўра, бир мулкдор ёки юридик шахсга тегишли бўлган клублар мусобақада қатнаша олмайди.
"Леон" ва "Пачука" Спорт арбитраж судига (CAS) апелляция беришди.
Marca хабарига кўра, CAS иккала клубнинг апелляциясини рад этган ва ФИФАнинг "Леон"ни турнирдан четлаштириш ҳақидаги қарорини ўз кучида қолдирган. Суд қарорига кўра, ФИФА регламентга мувофиқ ҳаракат қилган.
Шу тариқа, турнирнинг 32-иштирокчиси "Лос-Анжелес" ва Мексиканинг "Америка" жамоалари ўртасидаги учрашувда аниқланади.
CAS "Алахуэленсе"нинг ҳам апелляциясини рад этди. Коста-Рика клуби клублар ўртасидаги жаҳон чемпионатида "Леон"инг ўрнини эгаллаши кераклигини таъкидлаганди.
