"Ал-Ҳилол" Бруну Фернандешга катта пул тўлашга тайёр.
Daily Mail хабарига кўра, "Манчестер Юнайтед" ярим ҳимоячисига уч йил давомида кўп миллион фунт стерлинглик шартнома таклиф қилинган. Португалиялик футболчи ҳозирча жавоб бермади.
Қайд этилишича, Саудия клуби Муҳаммад Салоҳни ўз сафига қўшиб олмоқчи бўлган, бироқ у "Ливерпул"да қолишга қарор қилган. Ар-Риёдликлар энди мисрлик футболчи учун сарфланиши керак бўлган 170 миллион фунт стерлингни (200 миллион евро) яна бир йирик шартномани амалга ошириш учун ишлатмоқчи. "Ал-Ҳилол" "Манчестер Юнайтед"га жозибадор таклиф билан чиқишга ва Брунога йилига 80-100 миллион маош тўлашга қодир.
Шу билан бирга, газетанинг "Манчестер Юнайтед" ва "Ал-Ҳилол"даги манбалари Фернандешнинг шартномасида 60 миллион фунт стерлинг товон пули борлиги ҳақидаги маълумотни рад этишди.
Саудия клуби клублар ўртасидаги жаҳон чемпионати олдидан шартнома тузмоқчи. У шунингдек, ҳужумчи ва ўнг вингерини нишонга олган, жумладан, "Наполи" ҳужумчиси Виктор Осимхен ва "Реал" футболчиси Родриго.
