"Al-Hilol" Brunu Fernandeshga katta pul to‘lashga tayyor.

Daily Mail xabariga ko‘ra, "Manchester Yunayted" yarim himoyachisiga uch yil davomida ko‘p million funt sterlinglik shartnoma taklif qilingan. Portugaliyalik futbolchi hozircha javob bermadi.

Qayd etilishicha, Saudiya klubi Muhammad Salohni o‘z safiga qo‘shib olmoqchi bo‘lgan, biroq u "Liverpul"da qolishga qaror qilgan. Ar-Riyodliklar endi misrlik futbolchi uchun sarflanishi kerak bo‘lgan 170 million funt sterlingni (200 million yevro) yana bir yirik shartnomani amalga oshirish uchun ishlatmoqchi. "Al-Hilol" "Manchester Yunayted"ga jozibador taklif bilan chiqishga va Brunoga yiliga 80-100 million maosh to‘lashga qodir.

Shu bilan birga, gazetaning "Manchester Yunayted" va "Al-Hilol"dagi manbalari Fernandeshning shartnomasida 60 million funt sterling tovon puli borligi haqidagi ma’lumotni rad etishdi.

Saudiya klubi klublar o‘rtasidagi jahon chempionati oldidan shartnoma tuzmoqchi. U shuningdek, hujumchi va o‘ng vingerini nishonga olgan, jumladan, "Napoli" hujumchisi Viktor Osimxen va "Real" futbolchisi Rodrigo.