Миландаги “Сан-Сиро” стадионида бўлиб ўтган Чемпионлар Лигаси ярим финали жавоб учрашуви доирасида “Интер” ва “Барселона” жамоалари ўзаро тўқнаш келмоқда. Польшалик ҳакам Шимон Марчиньяк бошчилигида ўтказилаётган учрашув асосий вақтда 3:3 ҳисобида якунланди.

22-дақиқада “Интер” ҳужумчиси Лаутаро Мартинес ҳисобни очди. Биринчи таймнинг якунларида Хакан Чалханоглу пенальтидан гол уриб, мезбонларнинг устунлигини мустаҳкамлади.

54-дақиқада Эрик Гарсия ҳисобни қисқартирди, 60-дақиқада эса Дани Ольмо мувозанатни тиклади. 88-дақиқада Рафинья гол урган ҳолда “Барселона”ни олдинга чиқарди, аммо 90+3-дақиқада Франческо Ачерби жавоб голини урди.

Энди қайси жамоа Чемпионлар Лигаси финалига йўл олишини қўшимча вақт ёки, эҳтимол, пенальтилар ҳал этади.

Финалда “Интер” ёки “Барселона” жамоаси “Арсенал” – “ПСЖ” жуфтлиги ғолиби билан тўқнаш келади.