Milandagi “San-Siro” stadionida bo‘lib o‘tgan Chempionlar Ligasi yarim finali javob uchrashuvi doirasida “Inter” va “Barselona” jamoalari o‘zaro to‘qnash kelmoqda. Polshalik hakam Shimon Marchinyak boshchiligida o‘tkazilayotgan uchrashuv asosiy vaqtda 3:3 hisobida yakunlandi.
22-daqiqada “Inter” hujumchisi Lautaro Martines hisobni ochdi. Birinchi taymning yakunlarida Xakan Chalxanoglu penaltidan gol urib, mezbonlarning ustunligini mustahkamladi.
54-daqiqada Erik Garsiya hisobni qisqartirdi, 60-daqiqada esa Dani Olmo muvozanatni tikladi. 88-daqiqada Rafinya gol urgan holda “Barselona”ni oldinga chiqardi, ammo 90+3-daqiqada Franchesko Acherbi javob golini urdi.
Endi qaysi jamoa Chempionlar Ligasi finaliga yo‘l olishini qo‘shimcha vaqt yoki, ehtimol, penaltilar hal etadi.
Finalda “Inter” yoki “Barselona” jamoasi “Arsenal” – “PSJ” juftligi g‘olibi bilan to‘qnash keladi.













