“Интер” дарвозабони Ян Зоммер жамоанинг Чемпионлар Лигаси финалига чиққани ҳақида ўз фикрларини билдирди. Миланликлар ярим финалда “Барселона”ни икки ўйин натижасига кўра (3:3, 4:3) мағлуб этди. Асосий вақтнинг охирида ҳимоячи Франческо Ачерби ҳисобни тенглаштириб, учрашувни қўшимча вақтга олиб борди.
“Жуда бахтлиман, жамоа ҳақиқатан ҳам такрорланмас ишни амалга оширди. Бу ақл бовар қилмас ўйин бўлди. Ямалнинг зарбасидан сўнгги сэйв — алоҳида аҳамиятга эга. У жуда кучли футболчи ва мен тўп дарвозага кирмаганидан хурсандман.
Биз Ачерби ҳужумга ўтган ҳолатда ҳам курашни давом эттирдик. Кўплаб жамоалар 2:3 дан сўнг таслим бўларди. Аммо биз охиригача ишондик. Бу кеча ҳақиқатан ҳам ажойиб эди”, — деди учрашувнинг энг яхши ўйинчиси деб топилган Зоммер.
