“Inter” darvozaboni Yan Zommer jamoaning Chempionlar Ligasi finaliga chiqqani haqida o‘z fikrlarini bildirdi. Milanliklar yarim finalda “Barselona”ni ikki o‘yin natijasiga ko‘ra (3:3, 4:3) mag‘lub etdi. Asosiy vaqtning oxirida himoyachi Franchesko Acherbi hisobni tenglashtirib, uchrashuvni qo‘shimcha vaqtga olib bordi.
“Juda baxtliman, jamoa haqiqatan ham takrorlanmas ishni amalga oshirdi. Bu aql bovar qilmas o‘yin bo‘ldi. Yamalning zarbasidan so‘nggi seyv — alohida ahamiyatga ega. U juda kuchli futbolchi va men to‘p darvozaga kirmaganidan xursandman.
Biz Acherbi hujumga o‘tgan holatda ham kurashni davom ettirdik. Ko‘plab jamoalar 2:3 dan so‘ng taslim bo‘lardi. Ammo biz oxirigacha ishondik. Bu kecha haqiqatan ham ajoyib edi”, — dedi uchrashuvning eng yaxshi o‘yinchisi deb topilgan Zommer.
