Италиянинг “Фиорентина” жамоаси ярим ҳимоячи Николо Дзаньолонинг ўйинидан қониқмаяпти ва мавсум якунлангач, уни турк клуби “Галатасарой”дан сотиб олиш режасидан воз кечиши мумкин. Бу ҳақда журналист Николо Скира ўз ижтимоий тармоқларида хабар берди.
Эслатиб ўтамиз, Дзаньоло ҳозирда “бинфашаранглилар” сафида ижара асосида тўп тепмоқда. Жамоа вингернинг ўйинларидан кўнгли тўлмагани сабабли, шартномадаги сотиб олиш имкониятидан фойдаланмаслик эҳтимоли бор.
Жорий мавсумда у А Серияда бор-йўғи 9 та ўйинда майдонга тушди ва бирор гол ёки голли узатма билан ажралиб турмади.
