"Интер" "Барселона" билан жуда кескин баҳсдан сўнг, уч йил ичида иккинчи марта Чемпионлар лигаси финалига чиқди.
Эронлик ҳужумчи Меҳди Тареми жамоага ўтганида бундай сценарийга ишонганини очиқ айтди.
"Ўтган ёзда "Интер"га ўтмоқчи бўлганимда шундай сценарийга ишонгандим. Бошқа ўйинчилар билан учрашганимдан кейин эса бунга қодир бўлган жамоани кўрдим. Биз финалга чиқиб, Скудеттони қўлга киритишни режалаштиргандик", - дея Тареми сўзларини келтиради fcinter1908.it.
Икки йил аввал “Интер” финалда Англиянинг “Манчестер Сити” жамоасига имкониятни бой берганди.
