Миланнинг “Интер” клуби “Барселона” билан ўта кескин баҳсдан сўнг, сўнгги уч йил ичида иккинчи марта Чемпионлар лигаси финалига чиқди.
"Парма", "Ювентус" ва "Барселона" клубларининг собиқ футболчиси ва, албатта, Маркуснинг отаси Лилиан Тюрам учрашув ҳақидаги фикрлари билан ўртоқлашди.
"Бу ақл бовар қилмайдиган ўйин бўлди. Футболни яхши кўрадиган ҳар бир киши айнан шуни айтади. Маркус болалигидан футбол ўйнашни яхши кўрарди. Ишончим комилки, унга бу ўйин ёқди", - дея Лилиан Тюрамнинг сўзларини келтиради fcinter1908.it.
Финалда “Интер” “ПСЖ” – “Арсенал” учрашуви ғолиби билан ўйнайди.
