“Барселона” вингери Ламин Ямал Чемпионлар Лигаси ярим финалида “Интер”га қарши учрашувда ўзгача ўйин намойиш этди, бироқ жамоасини мағлубиятдан қутқариб қола олмади. Миланликлар қўшимча вақтда 99-дақиқада Давиде Фраттези урган гол орқали 4:3 ҳисобида ғалаба қозонишди. Икки ўйин натижасига кўра — 6:7.

Ямал учрашув давомида рақибни 14 марта дриблингда алдади. Бу Чемпионлар Лигаси ярим финалларида қайд этилган тарихдаги иккинчи энг юқори кўрсаткичдир. Бу ҳақда Squawka хабар берди.

Мазкур йўналишда рекордчи — Лионель Месси: у 2008 йилда “Манчестер Юнайтед”га қарши ўйинда 16 та муваффақиятли дриблинг амалга оширган эди.