Англиянинг машҳур собиқ футболчиси Жейми Каррагер Чемпионлар Лигаси ярим финалида “Интер”га қарши ўйинларда “Барселона”нинг ёш вингери Ламин Ямалнинг ҳаракатларини юқори баҳолади.
Миланликлар жавоб учрашувида 4:3 ҳисобида ғалаба қозониб, финалга йўл олди. Ямал гол ёки ассист қайд этмаган бўлса-да, унинг ўйини яна кўплаб таърифларга сазовор бўлди.
“Ямал мағлубиятга лойиқ эмас эди. Ҳеч ким лойиқ эмас, лекин айниқса Ламин. У ҳар икки ўйинда ажойиб ўйнади, “Барселона”га ғалаба олиб келишга яна бир бор яқин келди. Бу бола — мутлақо суперюлдуз”, — деди Каррагер CBS Sports студиясида.
