Леверкузеннинг "Байер" клуби жамоанинг амалдаги бош мураббийи Хаби Алонсонинг ўрнига ўринбосар қидирмоқда. Мутахассис тез орада “Реал” билан шартнома имзолаши кутилмоқда.
Алонсо 2022 йилдан буён "доричилар"ни бошқариб келади ва уларни бир мартадан Германия чемпионати, кубоги ва Суперкубогида ғалабага олиб келган.
“Баер”ни бошқаришга асосий номзод италиялик “Комо” клубининг амалдаги устози Сеск Фабрегас ҳисобланади. SportBILD хабарига кўра, "Брайтон"дан Фабиан Хюрцелер билан ҳам вариант кўриб чиқилмоқда.
Премьер-лигадаги энг ёш мураббий ҳисобланган Хюрцелер "Байер" раҳбариятининг барча талабларига жавоб берса-да, унинг трансфери молиявий сабабларга кўра даргумон.
