Гави "Барселона"нинг Чемпионлар Лигаси ярим финалидаги мағлубияти ҳақида фикр билдирди.

Каталонияликлар жавоб ўйинида "Интер"га мағлуб бўлди (3:4, биринчи ўйин - 3:3) ва турнирни тарк этди. Учрашув бош ҳаками Шимон Марчиньяк бўлди.

"Бу жуда оғир, айниқса, биз қанчалик яқин бўлганимизни билсак. Улар бизни финалга чиқишимизни исташмади. Мавсумни қандай ўтказаётганимизни ҳисобга олсак, улар жуда қаттиқ қўрқишди.

Неча йил Чемпионлар Лигасида ғалаба қозона олмаганимиз муҳим эмас. Гарчи бу жуда қийинлигини билсам-да ва ҳар йили ғалаба қозонишни истасам-да, ҳар доимгидек бирга бўлсак, ғалаба қозонишимизга ишончим комил. Биламан, қачондир шундай бўлади.

Ҳозир қанчалик ғазабланган бўлмайлик, бу мавсумни учта чемпионлик билан якунлашимиз мумкин. Бу муваффақиятсизликка қарамай, жуда яхши мавсум.

Келинг, якшанба куни "Монжуик"ни портлатиб, ғалаба қозонамиз..." - деб ёзди "Барселона" ярим ҳимоячиси Instagram'да.

Якшанба куни каталонияликлар Ла Лиганинг 35-турида "Реал"га қарши баҳс олиб боради.