"ПСЖ"да квадрупл имконияти сақланиб қолмоқда.
Луис Энрике бош мураббийлигидаги жамоа Чемпионлар Лигаси ярим финалида "Арсенал"ни (2:1, 1:0) ортда қолдириб, финалга йўл олди ва у ерда "Интер" билан ўйнайди.
Жорий мавсумда парижликлар иккита совринни қўлга киритишди - Франция чемпиони бўлишди ва мамлакат Суперкубогини қўлга киритишди. Шунингдек, "ПСЖ" Франция кубоги финалида "Реймс" билан ўйнайди.
"ПСЖ" - Европада бир мавсумда тўртта соврин ютиши мумкин бўлган ягона жамоа. Шунингдек, парижликлар Чемпионлар лигаси, мамлакат чемпионати ва кубогида ғалаба қозонишни назарда тутувчи классик требль учун ягона даъвогардир. "Барселона" EЧЛ ярим финалида "Интер"га имкониятни бой бериб қўйди.
Эслатиб ўтамиз, "ПСЖ" клублар ўртасидаги жаҳон чемпионатида иштирок этгани учун бир мавсумда бешта соврин ютиши мумкин. Бундан ташқари, агар парижликлар Чемпионлар Лигасида ғалаба қозонса, Европа Суперкубоги учун ўйинда иштирок этиш ҳуқуқига эга бўлади.
