Европа футболида Чемпионлар лигасининг иккинчи ярим финал ўйини бўлиб ўтди, Франциянинг "ПСЖ" клуби Лондоннинг "Арсенал" клубини мағлуб этди ва Европанинг энг нуфузли клуб турнири финалига чиқди. Париж жамоаси ярим ҳимоячиси Жоау Невеш ўтган ўйин натижасидан қониқаётганини яширмаяпти.
"Финалга чиққанимиздан жуда мамнунмиз. "Арсенал" ўзини жуда кучли рақиб сифатида кўрсатди, аммо биз шунчаки яхшироқ эдик. Биз бундан кейин ҳам ўйин режаларимизга амал қилишимиз ва қаттиқ ишлашимиз керак. Булар муваффақият калитидир," - дея Невешнинг сўзларини келтиради BBC Sport.
