Лондоннинг "Арсенал" клуби вингери Букайо Сака "Пари Сен-Жермен"га қарши ярим финал жавоб ўйинида гол урди, бироқ жамоасининг мағлубиятдан қутулиб қолишига ёрдам бера олмади.

Инглиз 76-дақиқада рақиб дарвозасини ишғол қилди ва унинг голи "канонирлар" учун ягона бўлди. Жавоб учрашувида парижликлар 2:1 ҳисобида ғалаба қозонган бўлса, бир ҳафта олдин Лондонда 1:0 ҳисобида ғалаба қозонганди. Жорий мавсум ЕЧЛда Саканинг ҳисобида олтита гол бор. Фақатгина Тьерри Анри (2001/02 ва 2002/03) "Арсенал" сафида Чемпионлар Лигасида бир мавсумда кўпроқ гол урган - еттита.

Умумий ҳисобда Букайо Сака энг нуфузли еврокубокнинг 18 та ўйинида ўнта гол урган.