Машҳур собиқ футболчи Рио Фердинанд одатда Чемпионлар лигаси оқшомларини TNT Sports студиясида ўтказади. Бироқ чоршанба куни кечқурун "Манчестер Юнайтед"нинг собиқ футболчиси трансляцияни ўтказиб юборди. Фердинанд ижтимоий тармоқларда шифохона ётоғида тушган суратини жойлаштирди.
"Ярим финални ўтказиб юборганимдан хафсалам пир бўлди. Жамоага энг яхши тилакларимни тилайман", - деб ёзган Фердинанд "ПСЖ" - "Арсенал" учрашуви бошланишидан бироз олдин.
Рио Фердинанднинг касалхонага ётқизилгани сабаби ҳозирча аниқ эмас, бироқ суратда собиқ футболчининг кайфияти яхши, яъни мухлисларнинг хавотирланишига асос йўқ.
