Миланнинг "Интер" клуби бош мураббийи Симоне Индзаги жамоа билан янги шартнома имзолашга яқин турибди.
"Нерадзуррилар" мавсумни муваффақиятли ўтказмоқда деб айтиш мумкин: жамоа скудеттосиз қолиш хавфи остида, аммо Чемпионлар Лигасида финалга чиқди ва у ерда "ПСЖ" билан ўйнайди. Инсайдер Николо Скиранинг маълум қилишича, томонлар шартномани 2027 йилгача узайтиришга бир қадам қолди. Италиялик мураббийнинг маоши оширилади.
Симоне Индзаги 2021 йилнинг ёзидан буён "Интер"да ишлаб келмоқда. Унинг амалдаги меҳнат шартномаси келаси йилнинг ўрталарида тугайди.













