"Ювентус"нинг собиқ бош мураббийи Массимилиано Аллегри клубда учинчи марта иш бошлаши мумкин.

"Кекса синьора" босслари мавсум якунида амалдаги шартномаси тугайдиган Игор Тудорнинг келажаги борасида ҳали бир қарорга келгани йўқ. Туринликлар Антонио Конте каби кўплаб нуфузли мураббийларга қизиқиш билдирмоқда. TuttoSport хабарига кўра, Аллегрининг яна бир бор клубга қайтиши вариантини ҳам истисно қилмаслик керак - бу фақатгина Криштиано Жунтоли клубни тарк этган тақдирдагина амалга ошиши мумкин.

Массимилиано Аллегри ўтган йилнинг май ойида "бьянконерилар" устози лавозимидан озод этилганди. Ўшандан бери мутахассис ишсиз.