"Барселона" ярим ҳимоячиси Гави Чемпионлар Лигасидан чиқиб кетганидан сўнг жамоанинг муваффақиятларини унутмасликка чақирмоқда.
Сешанба куни каталонияликлар Миланнинг "Интер" клубига 3:4 ҳисобида имкониятни бой бериб, ярим финал босқичида (икки ўйин натижасига кўра 6:7) мусобақани тарк этишди. Энди Ҳанс-Дитер Флик жамоаси треблни расмийлаштира олмайди.
"Ҳозир қанчалик ғазабланган бўлмайлик, бизда ҳали бу мавсумни (Испания Суперкубогини ҳисобга олган ҳолда) учта соврин билан якунлаш имконияти бор. Мавсум бошланишидан олдин ҳамма бизни совринсиз қолади деб ўйлаган эди. Кечаги мағлубиятга қарамай, бу жуда яхши мавсум. Келинг, якшанба куни бор кучимизни бериб, ғалаба қозонайлик," - деб ёзган Гави ўз мурожаатида.
