Неймар жароҳатидан тикланиш учун қаттиқ машқ қилмоқда.

“Сантос” ҳужумчиси 17 апрель куни Бразилия чемпионати доирасида “Атлетико Минейро”га қарши ўйинда (2:0) чап сонини жароҳатлаган ва 34-дақиқада алмаштирилганди.

UOL хабарига кўра, 33 ёшли футболчи клуб базасида соат 11гача шуғулланади. Қайта тиклаш жараёни қониқарли давом этмоқда.

Футболчи шифокорлар тавсияларига амал қилмоқда ва май ойи охири ёки июн бошида майдонга қайтиши кутилмоқда. "Сантос" тиббиёт ходимларининг айтишича, Неймар ҳеч қачон бунчалик кўп машқ қилмаган.

Ҳужумчининг Бразилия клуби билан шартномаси 30 июнга қадар амал қилади. Кутилишича, томонлар яқин кунларда шартномани узайтириш масаласини муҳокама қилишади.