2023 йил ёзида “Унион” Берлин клубидан ижара асосида “Фиорентина”га ўтган немис ҳимоячи/ярим ҳимоячи Робин Госенс энди расман италияликлар сафида қолади. Бу ҳақда Goal нашри Kickerга таянган ҳолда хабар бермоқда.

Маълумотларга кўра, Госенс “Фиорентина” таркибида ўйинларнинг 60% дан кўпида иштирок этгани учун шартномада кўзда тутилган тўлиқ сотиб олиш шарти ишга тушган. Клуб 30 ёшли футболчи учун 7,5 миллион евро тўлайди.

Жорий мавсумда Госенс 37 та ўйинда майдонга тушиб, 6 та гол ва 9 та ассист қайд этган.

Айни пайтда “Фиорентина” Италия А Сериясининг турнир жадвалида 8-ўринни эгаллаб турибди.