2023 yil yozida “Union” Berlin klubidan ijara asosida “Fiorentina”ga o‘tgan nemis himoyachi/yarim himoyachi Robin Gosens endi rasman italiyaliklar safida qoladi. Bu haqda Goal nashri Kickerga tayangan holda xabar bermoqda.
Ma’lumotlarga ko‘ra, Gosens “Fiorentina” tarkibida o‘yinlarning 60% dan ko‘pida ishtirok etgani uchun shartnomada ko‘zda tutilgan to‘liq sotib olish sharti ishga tushgan. Klub 30 yoshli futbolchi uchun 7,5 million yevro to‘laydi.
Joriy mavsumda Gosens 37 ta o‘yinda maydonga tushib, 6 ta gol va 9 ta assist qayd etgan.
Ayni paytda “Fiorentina” Italiya A Seriyasining turnir jadvalida 8-o‘rinni egallab turibdi.
