“Барселона”нинг бразилиялик вингери Рафинья ўзининг жорий мавсумдаги юқори спорт формаси ҳақида фикр билдирди. У жамоа сафида 53 та ўйинда майдонга тушиб, 32 та гол ва 25 та ассист билан порламоқда.

“Ҳатто энг катта орзуларимда ҳам бу либосда бундай лаҳзаларни бошдан кечира оламан деб ўйламаганман. Мен жуда қаттиқ меҳнат қилдим — энг яхши ҳолатимда бўлиш учун. Ва умид қиламанки, шу йўлдан давом этаман. Агар мени “Олтин тўп” номзодлари орасида тилга олаётган бўлсалар, демак, мен ҳақиқатан ҳам яхши иш олиб бораяпман”, — деди Рафинья Marca нашрига берган интервьюсида.